ओ क्रान्तिकारी ।
तिम्रो क्रान्तिको खबर सुनेपछि मूर्च्छामा बाँचिरहेको देश तिम्रा सपनाको सिरानी हालेर अलिअलि तङ्ग्रिन थालेको छ
। ओ क्रान्तिकारी !
अन्तिम जीत नभएसम्म नफर्किनु तिमी क्रान्तिदेखि सर्वहाराको ओठमा मुस्कान खेल्न नपाएसम्म सीमान्तहरूले नजितेसम्म अनि नाङ्गो वादशाहलाई इतिहासको रछ्यानमा नफ्याँकेसम्म तिमीले,
देशका गीतहरू गाइरहनु चर्काइरहनु इन्क्लाबका नाराहरू ।
तिमी हिँडेको बाटोभरि सुनाखरी र सुनगाभाका कोपिलाहरू फुल्न लागिरहेछन् निकट भविष्यमा छिट्टै लालुपाते विजय निम्त्याइरहेछ पाखाभरि रातै भएर फुलेको लालीगुराँस तिमीलाई स्वागत गरिरहेछ ।
जरूर | तिमी क्रान्तिकारी जितेर आउनुपर्छ।
बरु । कान्तिपथमा मरे पनि तिमी तिम्रो मृत्युको खबर सुनेर देश रुने छैन रुनेछैनन् तिम्रा साथीहरू बिचलित हुने छैनन् तिम्रा मित्रहरू बरु कमरेड ।
रुनेछन् कायरहरू आत्तिनेछन् तानाशाह क्रान्तिको उचाइ देखेर ।
ओ क्रान्तिकारी !
ढल्नु हुँदैन तिम्रो क्रान्तिको झण्डा खस्नु हुँदैन बन्दुकहरू भुइँमा नतर्सनू तिमी बन्दुकका चाङदेखि एकदिन, स्वर्गजस्तै देश भेटाउनु छ स्वाधीनताको बगैँचा फुलाउनु छ त्यो दिन धेरै टाढा छैन बिचलित नहुनू तिमी !
ओ क्रान्तिकारी !
नफर्कनू क्रान्तिको आधा बाटोदेखि यो देशको माटोले यतिबेला विशाल परिवर्तन मागिरहेको छ ठीक यति नै खेर तिमीले विजयको मञ्जिल टेकेर आउनुपर्छ ।
No comments: