काठ्माडौं।  मतपेटिका शिल गरेको मुचुल्का नभेटेपछि बझाङ — १ (१)को मतगणना कार्य केहीबेर प्रभावित भएको छ।तलकोट गाउँपालिकाको— ३ सम्म गणना गरी सक्दा वडा नं ४ को मतपेटिका शिल गरेको मुचुल्का नभेटेपछि कांग्रेसका एजेन्टहरूले विरोध गर्दा केहीबेर मतगणना कार्य रोकिएको हो।कांग्रेसको गढ मानिएको उक्त ४ वडाको मत मतपेटिका शिल गरेको मुचुल्का नभेटेपछि कांग्रेसले विरोध जनाउँदा करिब १५ मिनेट मतगणना कार्य रोकिएको स्रोतले जनाएको छ।रोक्किएपछि पुन: सुरु  भइ यतिबेला तलकोट४ को मतगणना भइरहेको छ। त्यसपछि ६ र ७ सातको हुनेछ। अब मतगणना गर्न बाँकी एउटा मात्र पालिका रहेको छ। हालसम्ममा दमनबहादुर भण्डारीले १२३ मतले अग्रता कायम गरेका छन्। उनलाई नेपाली कांग्रेसका अभिषेकबहादुर सिंहले पछ्याइरहेका छन्।

राष्ट्रिय खाद्य बैक लिमिटेडको तेस्रो साधारण सभा पौष २७ मा सभामुख द्वारा भब्य रूपमा सयौं सेयर सदस्य बिचमा समुदघाटन हुने ।।

पोषिलो आहारको लागि दिगो कृषि उत्पादन, हाम्रो अभियान” भन्ने नाराका साथ स्थापना भएको राष्ट्रिय खाद्य्य बैंक लिमिटेडको तेश्रो बार्षिक साधारण सभा शुक्रबार (पुस २७) हुने भएको छ ।

सभामुख देवराज घिमिरेको प्रमुख आतिथ्यमा शंखमुलस्थित एल दरबार भेन्युमा एक समारोहबीच साधारण सभा गर्ने खाद्य्य बैंकका अध्यक्ष शंकर नाथ उप्रेतीले जानकारी दिए ।

अध्यक्ष उप्रेतीले सम्पूर्ण सेयर सदस्य, शुभचिन्तक, पत्रकार, समाजसेवी तथा बैंकसँग सम्बन्धित सबैलाई साधारण सभामा उपस्थितिको लागि अनुरोध गरेका छन् ।

२०७७ सालमा स्थापना भएको बैंकले बिहीवार नयाँबानेश्वरस्थित केन्द्रीय कार्यालय संचालन गरेको छ । बैंकका अध्यक्ष उप्रेतीले कृषिमा परनिर्भरता घटाउँदै प्राङ्गारिक उत्पादनमा जोड दिने उद्देश्यका साथ बैंक स्थापना गरिएको जानकारी दिए ।

उनका अनुसार निजि क्षेत्रबाट खोलिएको २ अर्ब रुपैयाँ लगानीमा बैंक स्थापना गरिएको हो ।

अध्यक्ष उप्रेतीकाअनुसार राष्ट्रिय खाद्य बैंक लिमिटेड, नेपालमा उत्पादन भएका कृषिजन्य उत्पादनलाई ब्रान्डिङ्ग, भण्डारण र बजारीकरण गर्ने पबित्र उदेश्य लिएर स्थापना भएको हो । बैंकमार्फत २ लाखभन्दा बढी किसान प्रतक्ष्य उत्पादनसँग जोडिएका छन् । बैंकले किसानका धान, गहुँ, मकै, तरकारी तथा फलफूल, केरा, दहिदुध, माछा, मासु, अण्डा, जडीबुटी, चिया, कफी, उखु लगायतको उत्पादन तथा व्यापार गरिरहेको छ ।

प्राङ्गारिक मल उद्योगहरु संचालनमा ल्याउने, बिउ बिजन भण्डार आफैले संचालनमा ल्याउने, कृषि कलेज संचालनमा ल्याउने, दक्ष जनशक्ति उत्पादन खाद्य बैंक आफैले तयार गरि गतिबिधिहरु अगाडी बढाउने, देशलाई खाद्यान्नमा आत्मनिर्भर गरि बढी भहेको खाद्यान्नहरु विदेशमा बिक्रि वितरण गर्ने, कृषिलाई औद्योगिकरणमा लैजाने, कृषिसँग सम्बन्धित उद्योगहरुलाई संचालनमा ल्याउने, कृषिमा चाहिने मेशिनरी औजारहरु आफ्नै देशमा बन्न सक्ने जति निर्माण गर्ने गराउने, देशलाई समृद्धि बनाउने, किसानलाई धनी बनाउदै देशलाई आत्मनिर्भर गराउने, अर्गानिक वा प्राकृतिक खानेकुराहरु उत्पादन गर्ने बैंकको दीर्घकालीन योजना रहेको छ ।

चर्चित युटुबर तथा सञ्चारकर्मी मोहन बस्नेतले केही समय पहिले सुटुक्क बिहे गरे । बिहेलाई सहकर्मी शुभचिन्तकले आश्चर्य पनि माने । तर, बस्नेतले बिहेको खर्चलाई सामाजिक कार्यमा खर्च गर्ने घोषणासहित सामाजिक सञ्जालबाट बिहेमा तामझाम गर्न नसकेकोमा क्षमायाचना गरे ।

उनको कदमले भड्किलो बिहेलाई निरुत्साहित गर्न मलजल गर्‍यो । शनिबार आफ्नै गाउँमा उनले विशेषज्ञसहितको स्वास्थ्य शिविरको आयोजना गरे । शिविरमा बस्नेतको जोडीले आशीर्वाद र करिब चार सय नागरिकले सेवा पाए । 

रेसुंगा नगरपालिका– ३ की ७७ वर्षीया पम्फी विश्कर्मा शिविरमा खुसी थिइन् । उनी सुगर र प्रेसरका कारण स्वास्थ्य परीक्षण गर्न शिविरमा आएकी थिइन् । विश्वकर्मा आफ्नै घरछेउमा विशेषज्ञ डाक्टरबाट नि:शुल्क चेकजाँच र औषधि पाएपछि उत्साहित नहुने कुरै भएन । ‘नेताले चुनावपछि गरिब र रोगी मान्छे हेर्दा रहेन्छन् । गाउँकै बाबुले शिविर ल्याएर डाक्टर देख्न र औषधि खान पायौँ,’ उनले भनिन्, ‘यो जोडीलाई हाम्रो आशीर्वाद लागोस् ।’ 

रेसुंगा नगरपालिका– ३ की ६९ वर्षीया गनकला कुँवरले पनि शिविरमा स्वास्थ्य परीक्षण गराइन् । उनलाई मुटु र दमको समस्याले तम्घास र पाल्पा धेरैपटक पुग्नुपर्‍यो । बाहिर जाँदा शरीरलाई कष्ट र पैसा खर्च उस्तै । त्यसैले पनि कैयौँले घरमै रोग लुकाएर बस्दा ज्यान नै जोखिममा पर्ने गरेको छ । 

भाडगाउँकै ७० वर्षीय टीकाबहादुर खत्री र श्रीमती ६४ वर्षीया परसुता खत्री पनि शिविरमा औषधिकै प्रतीक्षामा थिए । टीकाबहादुरलाई नाै वर्षदेखि दमको समस्या छ ।  श्रीमती परसुता मिर्गौलापीडित हुन् । दुवैजना बिमारको फलोअप गर्न पाल्पा र बुटवल पुग्थे । तर, गाउँमै नि:शुल्क शिविर सञ्चालन भएपछि ठूलो राहत भयो । ‘बुढाबुढी नै बिमारी भएपछि खर्चमाथि खर्च छ । पाल्पा बुटवल जान थोरै खर्चले हुँदैन,’ टीका बहादुरले भने, ‘घरछेउँमै डाक्टर भेट्दा खुसी भयौँ ।’  ६३ वर्षीय मेरसिंह कुमाल पनि खुट्टा दुख्ने समस्याले पीडित भएपछि शिविरमा आए । डाक्टरको उचित सल्लाह र चेकजाँचले खुसीका साथ घर फर्किए ।

यी सबै प्रतिनिधि पात्र हुन् । रेसुंगा नगरपालिका- ३ को भाडगाउँमा सञ्चालित नि:शुल्क स्वास्थ्य शिविरमा करिब चार सयजनाले ओपिडी सेवा लिएका छन् । ४९ जनाको भिडियो एक्सरे, २० जनाको इसिजी, एक सय आठजनाको सुगर जाँच, ४३ जनाको युरिक एसिड जाँच, २२ जनाको पिसाब जाँच र ६५ जना विद्यार्थीको रक्त समूह परीक्षण गरिएको शिविरको प्राविधिक पक्षको व्यवस्थापन गरिरहेका सामाजिक अभियन्ता भरतजंग क्षेत्रीले जानकारी दिए।

६५ जना विद्यार्थीको पनि रगतको समूह परीक्षण गरिएको छ । शिविरमा लुम्बिनी प्रादेशिक अस्पताल बुटवलका स्त्रीरोग विशेषज्ञ डाक्टर नवीन तिवारी, कन्सल्टेन्ट फिजिसियन डाक्टर शम्भु खनाल, हाडजोर्नी तथा नशा रोग विशेषज्ञ डाक्टर रमेश अर्याल र टाउको तथा मनोरोग विशेषज्ञ डाक्टर आशिम रेग्मीसहितका डाक्टरले शिविरमा सेवा प्रदान गरेका थिए । 

सबैभन्दा धेरै सुगर, प्रेसर र मानसिक समस्याका बिरामी

शिविरमा आएका बिरामीमा सबैभन्दा धेरै सुगर, प्रेसर र मानसिक समस्या देखिएको लुम्बिनी प्रादेशिक अस्पतालका कन्सल्टेन्ट फिजिसियन डाक्टर शम्भु खनालले जानकारी दिए । ‘शिविर आयोजनाको पवित्र उद्देश्य र व्यवस्थापकीय पक्ष निकै राम्रो लाग्यो । बिरामीमा सुगर, प्रेसर र मानसिकजस्ता राष्ट्रिय समस्या देखिए,’ उनले भने,’ अत्यधिक रक्तचाप भएका व्यक्ति पनि विनाऔषधि र उपचार हिँडिरहेको विडम्बना पत्ता लाग्यो ।’ उनले हरेक गाउँमा स्वास्थ्य सचेतनाको कमी रहेको बताए ।

गाउँमै नि:शुल्क स्वास्थ्य शिविर हुने भएपछि स्थानीय पनि खुसी थिए । भाडगाउँको नजिकै तम्घासका स्वास्थ्य संस्थाहरूको पहुँच भए पनि विशेषज्ञसहितको उपचार पाउन पाल्पा बुटवल पुग्नुपर्ने बाध्यता छ । 

जसका कारण घरछेउँमा नि:शुल्क स्वास्थ्य परीक्षण र औषधि पाउँदा गरिब तथा विपन्न परिवारलाई ठूलो राहतको महसुस भएको रेसुंगा नगरपालिका- ३ का वडाध्यक्ष बाबुराम खत्रीले बताए । 

उनले गाउँमा परोपकार र सदाचार हराउँदै गइरहेका वेला मोहन बस्नेतले बिहेको खर्च कटौती गरेर आयोजना गरेको स्वास्थ्य शिविरले निकै ठूलो सामाजिक सन्देश बोकेको बताए । 

२७ जना विद्यार्थीलाई न्यानो कपडा प्रदान

त्यस्तै, बस्नेतको परिवारले केही दिनअघि उपल्लो तम्घास माविका २७ जना विद्यार्थीलाई न्यानो कपडा प्रदान गरेका छन् । विद्यालयमा बहिरा तथा सुस्तमनस्थिति भएका बालबालिकालाई न्यानो कपडा प्रदान गरिएको हो । 

बस्नेतले युटुबमार्फत दर्जनौँ व्यक्तिकाे नि:शुल्क उपचार, बेसहाराको साथ र गरिब तथा विपन्न परिवारलाई गाँसमा सहयोग गर्दै आएका छन् । उनी मिडिया अवार्ड तथा नेपाल सरकारबाट जनसेवा श्री पञ्चमबाट सम्मानित भएका छन् । ‘सानैबाट सामाजिक काममा रुचि थियो । उमेरसँगै कर्महरू त्यस्तै बने,’ उनले भने, ‘बिहे खर्च कटाएर पनि गाउँमै केही गर्न सक्यौँ, परिवार नै खुसी छौँ ।’

सुनुवारको शनिबार दिउँसो उपचारको क्रममा काठमाडौंमा निधन भएको हो । सुनुवार सेवा समाज संघीय समितिको सल्लाहकार समेत रहनुभएको सुनुवारको शनिबार दिउँसो ३ः०५ बजे नेपाल क्यान्सर हस्पिटल हरिसिद्धि ललितपुरमा उपचारको क्रममा निधन भएको उहाँको परिवारले जानकारी दिएको छ । 

सुनुवार क्यान्सर रोगबाट पीडित हुनुहुन्थ्यो । उहाँ दोस्रो संविधान सभामा राष्ट्रिय प्रजातन्त्र पार्टीको समानुपातिक कोटाबाट संविधान सभा सदस्य हुनुभएको थियो । 

रामेछापको उमाकुण्ड गाउँपालिका–६ गुप्तेश्वरकी स्थायी बासिन्दा सुनुवार पञ्चायतकालदेखि नै सामाजिक क्षेत्रमा सक्रिय हुनुहुन्थ्यो । रामेछापको सामाजिक क्षेत्र र महिला सशक्तीकरणमा उहाँको उल्लेख्य योगदान रहेको छ । 

 खोटाङको हलेसी तुवाचुङ नगरपालिकामा निशुल्क तीन दिने आँखा शिविर सुरु भएको छ। आँखाको समस्या भएका नागरिकहरुको सहजताका लागि अप्रेसनसहितको शिविर हलेसी बजारस्थित आँखा तथा कान उपचार केन्द्रको कार्यालयमा बिहिबारबाट सुरु भएको हो।

शिविरमा आँखा उपचार गराउन हलेसी तुवाचुङ नगरपालिकासँगै छिमेकी पालिकाहरु रावाबेसी गाउँपालिका, दिक्तेल रुपाकोट मझुवागढी नगरपालिका, दिप्रुङ चुइचुम्मा गाउँपालिका लगायत अन्य पालिकासँगै ओखलढुंगा, उदयपुर जिल्लाका नागरिकहरु हलेसी आएका छन्। आँखाको समस्या भएका बृद्धबृद्धादेखि बालबालिकासम्मलाई परिवारका अन्य सदस्यहरुले शिविरमा लिएर आएका छन्।

शिविरको पहिलो दिन २ सय ५१ जना ब्यक्तिहरु उपचारका लागि आएका छन्। उनीहरुको आँखा परिक्षण पश्चात औषधि उपचार, चस्मा प्रदानसँगै निःशूल्क अप्रेसन गर्ने काम धमाधम भइरहेको आँखा तथा कान उपचार केन्द्र हलेसीका प्रमुख सुरेन्द्र श्रेष्ठले जानकारी दिए। 
शनिबारसम्म सञ्चालन हुने शिविर हलेसी तुवाचुङ नगरपालिका, नेपाल नेत्र ज्योती संघ खोटाङ, आँखा तथा कान उपचार केन्द्र हलेसी र आँखा उपचार केन्द्र सहयोग समितिले आयोजना गरेको हो। शिविरमा प्राविधिक सहयोग सगरमाथा चौधरी आँखा अस्पताल लाहानको रहेको छ।

शिविरको औपचारिक उद्घाटन गर्दै हलेसी तुवाचुङ नगरपालिकाका मेयर विमला राईले नगरपालिकाले नागरिकको स्वास्थ्य उपचारका लागि आँखा शिविरसँगै विभिन्न कार्यक्रम गरिरहेको बताईन्। पाठेघरको समस्या भएका महिलाहरुको निःशूल्क अप्रेसनदेखि नगर अस्पताल सञ्चालन गरेर बिमा गर्ने र बिमाको उपचार हुने व्यवस्था मिलाउनेसम्मको स्वास्थ्य क्षेत्रमा काम गरिरहेको बताईन्।

अघिल्लो वर्ष हलेसीमा सञ्चालन भएको आँखा शिविरमा ७ सय ६५ जनाले निःशूल्क आँखा परिक्षण गराएका थिए। जसमध्ये ७६ जनाको निःशूल्क अप्रेसन भएको थियो। यसवर्ष करीब १०० जनाको अप्रेसनमार्फत उपचार हुने लक्ष्य छ।

पुस ५, काठमाडौं। प्रधानमन्त्री पुष्पकमल दाहाल “प्रचण्ड”ले जलविद्युत् आयोजनाको लाइसेन्स होल्ड गरेर बस्ने तर आयोजनाको काम नगर्ने लाइसेन्स खारेज गर्न उर्जा मन्त्रालयलाई निर्देशन दिनुभएको छ।

बिहीबार दिउँसो प्रधानमन्त्री तथा मन्त्रिपरिषदको कार्यालय सिंहदरबारमा आयोजित सञ्चार तथा सूचना प्रविधि मन्त्रालय र उर्जा, जलस्रोत तथा सिचाइ मन्त्रालयको संयुक्त समीक्षा बैठक एवं दिशानिर्देशमा बोल्दै प्रधानमन्त्री प्रचण्डले सो निर्देशन दिनुभएको हो।

प्रधानमन्त्रीले भन्नुभयो, “झोलामा खोलाको कुरा धेरै लामो समयदेखि चर्चामा छ। लाइसेन्स लिने, होल्ड गरेर राख्ने तर काम नगर्ने कुरा देशका लागि घातक छ। यहाँ हामी लचिलो हुन जरूरी नै छैन। निश्चित क्राइटएरिया बनाएर त्यसलाई खारेज गर्नुपर्छ। त्यो काम गर्नुस्।”

“विद्युतको बक्यौता नतिर्ने ठूलाको लाइन काटेर कर प्रणालीलाई व्यवस्थित गर्नुपर्छ” प्रधानमन्त्रीले भन्नुभयो, “त्यसैले यसमा कसैसँग सम्झौता नगर्नुस्। डेडिकेटेड र ट्रङ्क लाइनको बक्यौता नतिर्नेको लाइन तुरून्त काटौं। ठूलाबाट सुरू गरेर सबै बक्यौता उठाउनेतर्फ जाउँ।”

“उत्पादन वृद्धिका निम्ति सिचाइको व्यवस्था आवश्यक छ। लिफ्ट इरिगेसनका बारेमा पनि सोच्नुपर्छ। नदी प्रणालीलाई जोडेर सिचाइको दीर्घकालीन व्यवस्थापन गर्नेतिर सोच्नुपर्छ” प्रधानमन्त्रीले भन्नुभयो, “सिचाइको समस्या कृषिसँग पनि गहिरो गरी जोडिएको छ। कृषिको उत्पादकत्व बढाउन यतातर्फ आवश्यक गृहकार्य गरौं।”

“मेरो नेतृत्वको सरकार गठन भएको एक वर्ष पुग्दैछ, अर्को वर्ष हामी नयाँ ढंगले जाँदैछौं” प्रधानमन्त्रीले भन्नुभयो, “त्यसका लागि हाम्रो सोंच बदलौं, कार्यशैली पनि बदलौं। म गम्भीर ढंगले मन्त्रालयका कुरा सुन्ने, बुझ्ने र परिणाम ल्याउनेमा छु। मैले कार्यशैली परिवर्तन गर्दैछु, तपाईहरू के गर्नुहुन्छ ? देश र जनताका लागि दृढ भएर अगाडि बढ्नेतिर सोच्नुस्। हामीले राम्रो काम गर्दै गएपछि नराम्रो उद्देश्य बोकेकाहरू पर्दाफास हुन्छन्। त्यसरी काम गरौं।” 

बैठकमा प्रधानमन्त्री प्रचण्डले विज्ञापन सम्बन्धी नीतिलाई सरल बनाउन र देशको अर्थतन्त्र अप्ठ्यारो परिस्थितिमा रहेको बेला सञ्चार उद्योगको रक्षा गर्नेतर्फ सोच्न सञ्चार मन्त्रालयलाई निर्देशन दिनुभयो।

बैठकमा उर्जा, जलस्रोत तथा सिचाइ मन्त्री शक्ति बस्नेतले जलविद्युत उत्पादन र खपतका दृष्टिले हिउँदमा आयात गर्नुपर्ने र वर्षायाममा निर्यात गर्नुपर्ने परिस्थिति रहेको बताउनुभयो। उहाँले ट्रान्समिसन लाइनको निर्माण र व्यवस्थापनका कारण उत्पादित विद्युतको खपत र निर्यातमा समस्या रहेको बताउँदै त्यसका लागि सरकारको तर्फबाट साझा समाधान खोज्नुपर्ने बताउनुभयो। 

त्यस्तै सञ्चार, सूचना तथा प्रविधि मन्त्री रेखा शर्माले सरकारी सञ्चार माध्यमको गुणस्तरीयता र विश्वासनियतामा वृद्धि गर्न आवश्यक गृहकार्य गरिएको बताउनुभयो। उहाँले राज्यका सम्पूर्ण निकायमा अहिलेको नवीनतम् अवस्थाअनुसार जनशक्ति विकासमा जोड दिनुपर्ने बताउँदै प्रविधिमैत्री कर्मचारी प्रशासन जरूरी रहेको बताउनुभयो। मन्त्री शर्माले एनसेलले बुधबार मात्रै शेयर खरिदको निर्णय उपलब्ध गराएको बताउँदै त्यसमाथि अध्ययन भइरहेको बैठकमा जानकारी गराउनुभयो।

त्यसैगरि मुख्यसचिव डा. बैकुण्ठ अर्यालले १० हजार मेगावाट विद्युत् निर्यातको सम्झौता कार्यान्वयनका लागि गम्भीर रूपमा काम गर्न उर्जा मन्त्रालयका कर्मचारीहरूलाई निर्देशित गर्नुभयो। उहाँले निर्धारित कार्ययोजना हेरेर त्यसमा नै मन्त्रालयको ध्यान केन्द्रित गर्न र जनतालाई प्रत्यक्ष राहत दिन सकिने कामहरू सूचिकृत गर्न सचिवहरूलाई निर्देशन दिनुभयो।

बैठकमा उर्जा सचिव गोपालप्रसाद सिग्देलले जग्गा प्राप्तिको प्रक्रिया झण्झटिलो र सार्वजनिक खरिद प्रणालीले समय लिने कारण उर्जासम्बन्धी आयोजना निर्माणका कामहरू प्रभावित हुने गरेको बताउँदै त्यसको सहजीकरण जरूरी भएको बताउनुभयो।

त्यस्तै सिचाइ सचिव सुशीलचन्द्र तिवारीले जलस्रोत ऐन निर्माणको चरणमा रहेको र यो ऐन पारित भएपछि सिचाइ, उर्जा, कृषि, खानेपानी लगायतका क्षेत्रमा देखिएका नीतिगत समस्याहरू सम्बोधन हुने बताउँदै सिचाइ र कृषिका कार्यक्रमहरू एकीकृत गरेर लैजानुपर्ने बताउनुभयो।

बैठकमा सञ्चार सचिव कृष्णबहादुर राउतले सञ्चार सम्बन्धी नीतिहरूमा मन्त्रालयले उच्च प्राथमिकता दिएको बताउँदै त्यसले मन्त्रालयका नीतिगत समस्याहरू हल हुने बताउनुभयो। 

त्यसैगरि उर्जा आयोगका सचिव संगीता दवाडीले आयोगले निर्धारित कार्यक्रम कार्यान्वयनका लागि योजनावद्ध काम गर्ने बताउनुभयो। 

छलफलमा नेपाल विद्युत् प्राधिकरणका कार्यकारी निर्देशक कुलमान घिसिङले विद्युत् महसुल बक्यौता असुलीमा जोड दिनुपर्ने बताउनुभयो